حضور جرد المخزون | إجراءات المراجعة | Stocktaking

هنا أفتكر واقعة وقعت من مديري السابق الله يعمر بيت أهله

واتعلم عن المرحلة الوسطية : حضور جرد المخزون

.-.-.-.-.-.-.-.-.-.-.-.

المعايير المصرية للمحاسبة مجبتش سيرة عن مؤهلات المحاسب ، مشغلتش بالها غير بالمعالجات اللي هيقوم بيها المحاسب وحتي متكلمتش عن المحاسبين بأقل من مستوياتهم الإدارية ... الإدارة تختار السياسات ... الإدارة تصدر القوائم ... الادارة تحدد التقديرات

إنما معايير المراجعة بقي  ممكن تكون نصفت جزئيا الفكرة دي "فكرة تأهيل وواجبات مؤدي العمل " ... جزئيا لإنها ومع توجيه كل ارشادتها لاسم المراقب إلا إنها لما اتكلمت عن الجودة في معيار 220 وجت سيرة فريق العمل إتكلمت كتير عن تأهيله ، وأخلاقياته ، وواجباته.

.-.-.-.-.-.-.
لما تنزل جرد  خليك عارف إنه مش دي المرحلة الاولي أو الاخيرة في الإجراء

قبل الجرد في تخطيط وبعد الجرد فيه مراجعة لنتائجه

طلب مني مراجعة المرحلة الاخيرة اللي هي معايا محضر الجرد والمفروض أطابق نتائج الجرد ع الفعلي

لقيت ايه بقي :-

·        لقيت محضر الجرد مطبوع كمبيوتر بنفس تنسيق تقرير المخازن في البرنامج وشامل الكميات كمان

·        وختم المكتب المحترم اللي كنت بمثله علي كل صفحة من صفحاتة الــ 58

أنا استغربت بشدة

·   مش عشان الاتنين زمايلي موقعين علي كل صفحة دون الاشارة لآية أصناف تم جردها فعليا في حضورهم

بما يعني انه تم جرد كل الاصناف وجميعها وجدت مطابقة في حضورهم

·   ومش عشان كان فيه اصناف تمثلت في مسامير بعدد فاق عشرات الالوف واكيد السحب منه للتشغيل مش بالواحدة يعني السحب تقديري وبالتالي مستحيل الفعلي يطابق الدفتري لو تم الجرد فعليا

·        ولا حتي استغربت عشان لقيت ختم المكتب علي محضر الجرد ومؤرخ بنفس يوم الجرد ؟!!!!

ازاي تدي ختم المكتب لاتنين شباب صغير ....وتئتمنهم بدون تدريب كاف لهم

اللي استغربتله فعلا

إنه مديري العبقري قالي خد عينة من محضر الجرد وطابقها ع الدفاتر

كتسلسل الإجراءات الطبيعية التالية لعملية الجرد

ودا مثال البني آدم اللي حافظ مش فاهم ... مش عشان طبيعة الاجراء لا... عشان الهدف منه

قلتله ليه يا ريس م انت عارف اللي فيها ومش طالبة تضيع وقت ؟

قالي جرا ايه يا محمود مش لازم نتأكد من إنه الرصيد الفعلي مطابق للدفتري انت جديد ولا ايه ؟

لازم اعترف اني كنت مش مهذب لما عاملت حد اكبر مني بقسوة لانه قدرات العقلية متواضعه وأنا بقوله ؟

·   انت لو قلتلي انه الهدف هو التحقق من ثبات التقارير في نظام المعلومات وعدم التعديل عليها بين الفترات كنت أقولك ماشي

·   وأصلا دي تبقي مصيبة لما تنفذ إختبار ع النظم اساسي  خلال العملية وليس في أولها بس نعتبر إنه اختبارات النظم مستمرة طوال العملية وخاصة انه معندناش مختصي نظم

ومش عاوز أقولك طبعا انه الإجراء بالهدف دا رفاهية بالنسبة لإجراءات تانية أهم لسه معملنهاش

·   إنما تقولي انه عشان إتاكد إنه الفعلي مطابق للدفتري يبقي حضرتك يا بتشتغلني يا بتشتغل نفسك لانه لو كان صنف واحد حتي إتجرد كان إتاخد اي علامة مراجعة عليه ..... ودي المهارة الوحيدة اللي الاصطاف مع حضرتك مدرب عليها

·   بلاش نتكلم يا ريس في النقطة دي أحسن ...... عشان مبحبش أعمل شغل غباء هو المخزن مطابق وزي الفل بجملة الكروتة... أول شغل المخازن مش المطابقة أول شغله تخطيط الجرد بتدريب رجالته

·   مهم ليك تعرف انه طاعة المدير مهمة جدا .. بس فعلا المدير دا مكنش عنده اي احساس بالمسئولية ولا قدرة علي الادارة او التخطيط وفعلا كان عندنا اجراءات كارثة لسه متنفذتش ومفيش وقت نضيعه في إننا نضحك علي نفسنا جرد مطبوع من تقارير البرنامج بالكميات سئ للغاية وفي اسوء الظروف ساعتها يتحتم علي المراقب تحديد عناصر يتم جردها بواسطتهم والاشارة اليها في المحضر وحصر التوقيع عليها او الشارة ان تم توقيع عام اليها وإلي كون الكميات موجودة ضمن المحضر  

الحالة مختصة ولايجوز تعميمها دون المناقشة