ذا فانتازيا ممونت لما عزمت شركاء البيج فور
علي خمسينة شاي عندي في شقتي عشان أخطب
بناتهم
محمد يحي – هشام الأفندي – محمد المعتز –
أحمد عوض – شريك ضرائب
.-.-.-.-.-.-
بصفتي كان نفسي أدخل هندسة بس أبوية دخلني
علمي علوم
فرحت داخل تجارة وخدت طالب مثالي بس اشتغلت
دعم فني
وماشي بالباسبور بس مش عاوز أسيب البلد
فطبيعي إنه بجملة الجنان أتصور إنه عمالقة
المهنة يقبلوا عزومتي عشان يتفرجوا علي شقتي
اللي ناوي إتجوز فيها العروسة اللي مش بدورعليها
بس لأنهم عمالقة المهنة فطبيعي دي تبقي تعليقاتهم
.-.-.-.-.-.-
محمد يحيي
مستشار مؤسسة حازم حسن
ورئيس مركز تدريب جمعية المحاسبين والمراجعين
حاجه جامده جدا جدا في المراجعة وروحه حلوة قوي
" إيه دا يا
محمود !!!!!
هو بسم الله
الرحمن الرحيم كده انت عارف يابني انه
أنا المراجعة ... أنا
أصلا المعايير كلها .... عارف دي ولا لأ
هو مش فيه حاجه إسمها
تخطيط ينفع تشتغل من غير تخطيط
انت مرة واحدة
دخلتني شقة وقلتلي إعتراف
وإنت اصلا موضحتش
التعريفات
يابني المعيار
يعني المقياس والتعريف يعني العنوان
والنطاق يعني
الحيطان .... ليه كده يابني بس !!!
طب يا حبيبي لما
أحب اجيلك تاني في الاصول مثلا
أعرفها ازاي عشان
أعترف بيها يابني !!!!
مش الأصول انك
تعرف الاصول
وبعدين تقصد ايه
يا بني بحكاية باب المطبخ دي
بابه الوحيد اللي
رايح جاي وكل الاوض مش كده
هو انت بتحسب
المصروفات بس اللي ممكن يتعمل عليها رد وتسويات
لا يبقي انت كده
مقريتش معيار 11 بقي ولا تعرف عن الايراد حاجه
ولا كده مشوفتش
معيار 5 ولا انت مقريتش المعايير اصلا ولا
ايه
ايه دا ..... لا
بقي دا خلاص كده
اللي ميعرضش صح
ميستهلش يبقي محاسب
ايه ترتيب الاوض
دا
انت كده مفتحتش
ملحق معيار 1 طالما مرتب الاوض كده
ومشطب كروتة ع
الاخر
اتزنقت في الحمام
فرحت لامم اي حاجه في المصروف وخلاص
انت شايف انه كده
كفاية للاعتراف بالمصروف
انت كده عاوز
عروسة بقي ...!؟؟؟!
عاوز عروسة وانت
عامل الطول دا كله
في الطرقة بين باب
الاصول والالتزامات
وبين باب الدخل
والمصروف
انهي عروسة دي
اللي هترضي تتأخر عليها في مبدأ المقابلة
يابني دا هي لحظة
البند بتسمع في البند التاني علي طول
وإيه الارف اللي إنت
كاتبه تحت إسمك دا
انا مديش بنتي
ابدا لواحد مقراش الميثاق
ومش عارف يوقع تحت
اسمه بلقب شكله ايه
الشغل دا تجاري مش
عائلي ومش شقة جواز دي ابدا
انا هشرب الشاي
بتاعي واضحك عليك
وانت بتتغسل من
الاساتذة شوية وأمشي ياعم
ومسمعكش جايب سيرة
جواز قبل م تمحيلي دا كله
انا المراجعة
يابني ..... إنت إتجننت باين وا إيه ؟؟؟
الواد عاوز يبقي
بيفهم وانا موجود ... ههههههههههه
.-.-.-.-.-.-
هشام الأفندي
شريك رئيسي مؤسسة ماك ميلان
محاضر مركز تدريب جمعية المحاسبين والمراجعين
تقول الأوشاعة إنه إسمه رباعي "هشام أدوات مالية الأفندي
"
" ازيك يا
حبيبي عامل ايه
ماشاء الله ربنا
يبارك لك فيها حلوة فعلا
زوقك عالي ومساحات
الاوض كويسة
يلا مبروك عليك
تجري فيها مع
عروستك يا شقي
بس انت شايف انه
بنتي تقعد في شقة زي دي
شوف يا محمود انا
35 سنة براجع بنوك ومؤسسات مالية
واعداد القوائم
يابني حرفة ولما الاقي اللي شغال زيك كده
انا اشتغل بايدي
احسن
فين يا حبيبي
مراعاتك قواعد الاعداد والتصوير
فين يا بني بازل
.. فين مؤشرات السيولة .. فين ادارة
المخاطر
وأنا مغمض كده اوضة
الالتزامات أكبر من الاصول
وبعدين انا ممشيش
دا كله لغاية اوضة الاعتراف
عشان اعرف انت
بتتكلم عن ايه
شوف انت لسه صغير
وشقتك دي متاخدش بيها بنتي ابدا
اه اصول الاطار
تمشي ع الكل
بس انا اصلا لي
قواعد لوحدي وبعدين اللي يصمم لبنتي
بيبقي البنك
المركزي بقواعده وقراراته
انا بنتي حساسه
ومحتاجه تفاصيل كتير قوي زيادة علي كده في التعامل
مش عاوز احبطك يا
محمود بس بص علي قدك
وشفلك بنت ترضي بمستوي
تأهيلك
.-.-.-.-.-.-
محمد المعتز
شريك برايس ووتر هاوس اند كوبرز
سابق الكل في مجال نظم المعلومات
بيشرح بسهولة المعايير المعقدة اللي محدش بيشرحها
" شوف يا
محمود انا مش هنتقد تصميمك كله طبعا
مش عشان فيه حاجات
حلوة فيه
لا هو عشان انا مش
فاضي اكيد
دلوقتي واضح انه انت
مصمم علي Vision Pro
ودا طبعا اختيار
مش جيد وحتي مع امكانيات البرنامج
انت سقطت حاجه
مهمة جدا مع انك كتبت عنها
الاهمية النسبية
تقسيم مساحتك وأولوياتك
لو تصورناه بيعكس اهتمام
هنلاقيك ضيعت جدا
في المصروف
رغم انه الاطار
استفاض في الحديث عنها
وفي الالتزامات
برضه قصرت شوية
وفيه نقطة مهمة
بحكم اني راجل وسيم
والحمد لله واخد
بالي قوي من شكلي
شكلك عامل الاصول
والدخل بحري
وعامل صالة الاعتراف
كده برضه وسايبها في اخر الشقة
لو انا اللي هصمم
الاعتراف طبعا
يبقي في المدخل
عشان ضيفي يعرف هو
داخل فين الاول
واوفر طلتها ع
الشارع خالص واوسع الكلام عن الدخل
لانه انت عارف انه
الاطار نفسه قالك اهتم بالدخل
وانت الاعتراف بالدخل
محتاج بلكونة واسعة علي معيار 11
لو انت رامي بقي
المصروف والالتزامات قبلي
عشان مناور ومش
عاوز تنشر مخاطر قوائمك مثلا
اقولك انت غلطان
طبعا
لانه المخاطر
طايلة الاصول يعني مثلا لو عندك عملاء في الاصول
مهي كادوات مالية
هيبقي فيها خطر ائتمان مثلا
النقدية بالبنوك
مهي في الاصول
شوف يا محمود
المخاطر في كل حتة في شقتك
رغم بساطتها وانا
بنتي متسكنش في اقل من فيلا
انا في حقبة زمنية
تكنولوجية غير حقبتكوا أصلا
فشوف كده مع احمد
عوض
.-.-.-.-.-.-
أحمد عوض
شريك بإرنست أند يونج
ومحاضر مركز تدريب جمعية المحاسبين والمراجعين
هو قدوتي الحقيقية ، وقد كان جهاز مركزي واستقال
" أنا مش
هتكلم غير لما يبقي فيه هدوء
مهو لو انت حابب
تتكلم انا اسكت
لو عاوز تسال في
حاجه اسالني
بس بلاش الاحاديث
الجانبية
ومحدش يسجل
لوسحمتوا الكلام
اللي هقوله دا محدش يسجله
متفقين
إنت عايز ايه
..... م الاطار واضح هو محتاج
وبعدين دور ارضي
وعازم ناس
اومال لو بتخلص في
دوبليكس الادوات المالية بقي هتجيب مين
وانا عارف انه
عيوب تصميمك اتشرحتلك
فيا اما انت مش
مركز يا اما انت بضيع وقت
انا مش بضيع وقت
اطلع في الادوار
فوق ونتكلم
.-.-.-.-.-.-
شريك ضرائب
شريك الضرائب بمؤسسة
أي مؤسسة طالما بيتعامل مع الضرائب
تم حجب الاسم لاسباب تتعلق بالسرية
" ايه يا أبوحوده
يا حلو
عامل ايه ...
علي كام يا معلم
التصميم دا
عملته فين ؟!!
طب ليه يا باشا دا
في العتبة علي 30 جنية
شوف هاخد منك ريالين
كبار وهنراضي
بتوع الحي
والتراخيص
وهنطلعلك ببقي
ببرزو مترين ونص في الشارع
انت اولي بيهم
توسع ع الايراد شوية
انا مليش انا بقي
في الحاجات بتاعت المحاسبين دي
بس بص إنت كشفت
نفسك إنك حطيت المصروفات في المطبخ
كده كانك بتقول لمأمور
الفحص انك بتضرب في المصروف
وبعدين انت رامي
القعدة ورا قوي بعد م اعدي ع القوائم كلها
وانا مش عاوز اللي
يجي يفحص يكشف بطني كلها
افرض طبخة كده
رايحة كده ولا كده هيشوفها لو قعد في الاعتراف
شوف فاكر الريالين
الكبار بتوع التراخيص
كملهم لي مية
مقفولة وهنزل افحصلك في القهوة اللي تحت اصلا
وإعترف إنت بقي
براحتك مع الاساتذة وشغل المعايير
والحاجات اللي
بتتناقشوا فيها كتير دي
..... لا يا حودة
بنتي ايه
انا بفحص فيلا في
اكتوبر متحولة تهرب
وحد م المكافحة
اتكلم عليها خلاص
احنا عاوزين شقة
تسند في فحص تظبط مع مقاول
انما احنا صنايعية
زي بعض مينفعش لا نتشارك ولا نتناسب
بس انت مجتهد وانا
بشجعك
بس كيس اسود بس بعد
اذنك
عشان الزيارة اللي
هنزل بيها دي مبينفعش تبان
ليست هناك تعليقات:
إرسال تعليق
تحياتي / محمود حموده :- سيتم مراجعة هذا التعليق قبل نشره خلال الـ 24 ساعة القادمة