ذا زفت ممونت .... لما تتزنق
في قعدة مع أبوك
اللي بيحب يتفرج علي أحمد موسي
..... أرزع
.-.-.-.-.-.-.-.-.
أعزائي المتابعين ننتقل الأن لبث مباشر
لإفتتاح فخامة الرئيس / عبد
الفتاح القصري
مخطط المجاورة الأولي
بحي الأصول غير المتداولة
بمدينة المحاسبة
في إطار سعي سيادته للقضاء علي
الشباب
آه
ياعم إنت قريت صح .... "إفتتاح مخطط
"
إيه
دا.... لا... لا لا طبعا ... مش القضاء علي الشباب
دي إتكتب
غلط .. " القضاء علي مشاكل الشباب"
صلحها
يا حسين إنت من عندك
مع الاعلامي البارع المانع الرائع
/ احمد موسي
.-.-.-.-.-.-.
أعزائي المشاهدين أنا الحقيقة مبسوط جدا
المخطط رائع جدا وفعلا شكرًا للهيئة الهندسية
إحنا لولاهم كان زمانا زي ألمانيا واليابان
فعلا والحمد لله
<<<<
نقدر نشوف روعة التصميم في بداية مدخل
المجاورة
هنلاقي حضرات المشاهدين إستراحة
تستقبل فيها ادارة المجاورة المعاملات
المطلوب تبويبها
هناك تقدر تتعرف عليها وعلي جوهرها مش بس
شكلها
<<<<
وبعدين تطلع
تتمشي بالمعاملات دي لمحطة
المترو
عشان تقدر توصله لغاية التبويب اللي يستحقه
كمان عشان الهجمات الارهابية الحقيرة
اللي بتستهدف زعزعة أمن وإستقرار عدالة القوائم
المالية
هنلاقي إشارة مرور الاشارة دي متعديش أي حساب
عاوز يتبوب
إلا لما يحقق ليه شروط الاعتراف بالاصل غير
المتداول
<<<<
أنا عرفت من لواء كبير في الهيئة الهندسية
إنه منظومة الامن هيتم تطويرها بعد تنفيذ
المدينة بالكامل
بحيث تناسب كل عمارة في المدينة
لانه الإشارة الحالية ممكن تجاوزها
ولن تصبح مجدية من غير اضافة نطاقات كل عمارة
<<<<
وفي لفتة رائعة الحقيقة من رجالة الجمارك
وهنا يجي التعاون بين المعايير والوزارات
لقينا تكلفة الاقتراض فتحت فرع قبل محطة
المترو
عشان لو الاصل المؤهل كان شال أي تكلفة
نقدر نرسملهاله بحيث يوصل لتبويبه مقاس بشكل
صحيح
ومتحمل لكامل التكاليف الخاصة بيه
بجد شابوه يوسف الشريف فكر متطور نقدر ننافس
بيه
وبنحي جيش المحاسبة من غير أي سبب كده وخلاص
<<<<
كمان هنلاقي أعزائي المشاهدين مقر لو فيه منح
بس لانه احنا دولة فقيرة بس الغني غني النفس
ومش عاوزين نسمع للارهابين الاخوانجية
وقناة الجزيرة اللي اشاعوا معلومة خاطئة
انه ممكن الــ 7 مليار تهرب بتوع عيلة ساوريس
تعالج كمنح
حتي التصميم عمل حسابه علي إشاعة زي دي وقالك
انه لازم تكون استلمت الاصل فعلا
وتكون قادر ع الوفاء بشروطه
واصلا لايجوز الإتفاق علي ما يخالف القانون
وإحنا عندنا المستشار اللي كان اتقفش في سرقة
إنتحر بالكوفية ... فمفيش داع للقلق خالص
اي حد يتقفش الكوفية موجودة ... د بخمتشار
جنية في العتبة
<<<<
حضراتكوا تاخدوا ضيوفكوا وتبوبهم عادي خالص
بين 3 محطات اصول غير متداولة
مش كده وبس نلاحظ كمان
انه في تحويلة صغيرة بين الاستثمار العقاري
والاصول الثابتة لاننا طبعا كلنا عارفين
انه التحويل بين التبويبين دول
بيكون حسب غرض الاحتفاظ
لو اتغير ممكن تغير عادي
<<<<
اقسملكم بالله اين مش عصبي
انا بس دمي حامي ومبستحملش
بزمتكوا حد يقدر يستحمل اللي اتقال دا
حد فعلا مصدقة
فيه كوفية بخمتاشر جنيه دلوقتي
دي اقل حاجه بميهوخمتشار جنيه
رحت فاتح فيس ع الموبايل احسن
لقيت صفحة رسام الثورة كارلوس لاتوف
ناشرة مقال للنيويورك تايمز بتشرح فيه
كيفية استفاء الشعب المحاسبي بالمدينة دي
وزعلت فعلا اني مختش بالي انه
أخر عمارة بتاعت الاصول الثابتة
مكتوب عليها لغير ولاد الناس ؟؟؟!!!
وفعلا فتحت المعايير اكتشتفت فعلا
أنه فيه أصول غير متداول أخري لم تذكر في
المخطط
وفهمت من تقرير الجريدة
انه دي المجاورة الاولي بتاعت الناس الشعبيين
لكن فيه تصميم للمجاورة الثانية بقي
ضمن حي الاصول غير المتداولة
حاجه ايه بقي اخر شياكة
نظام كومبوند اصلا كده وفيلل مش عماير
بفتح صفحة وائل عباس لقيته ناشر بيان باسماء
ولاد الناس
من وجه نظر ولاد الكلب
1- الاستثمارات في شركات تابعة وشقيقة وذات
سيطرة مشتركة
2- الاستثمارات المالية المتاحة للبيع أو
المحتفظ بها حتي تاريخ الاستحقاق
3- اصول ضريبية طويلة الاجل
بصراحة من كتر العنصرية في معاملتنا
بقيت عامل زي القرود
صعب تقنعها انه الموز احلي م السوداني
وقلت في نفسي
مهو برضه فعلا دي اصول ليها مقام ومعالجات
انما التانية دي اصول مقامها ومعالجتها مختلفة
وحتي وجودها في السوق مش منتشر
بصراحة هم ولاد ناس فعلا
ليست هناك تعليقات:
إرسال تعليق
تحياتي / محمود حموده :- سيتم مراجعة هذا التعليق قبل نشره خلال الـ 24 ساعة القادمة