حساب الضريبة المؤجلة

لا أعرف علي وجه اليقين إن كانت ثمة علاقة بين المهارة والموهبة
يعني مثلا أنا أتصور أن المهارة موهبة مصقلة بالخبرة والدراسة
أنا مطمئن للفكرة دي حاليا .... وربما يختلف اعتقادي
طول م انت عايش ..... وبتفكر وبتدبر في حياتك
بتتفتح قدام ذهنك آفاق جديدة للمعرفة
ولو انت مهتم هتستفيد من المعرفة دي وتصقل خبرتك
ولو انت موهوب هتفيدك جدا خبرتك ومعرفتك وتكون عندك مهارة
بفضل الله النهاردة اتمكنت من تفسير خطأ في مخالفة نتائج طريقتين لحساب الضريبة المؤجلة
مش هخبي عليكوا انا لسه متعلم حساب الضريبة المؤجلة من سنتين بس ولسه بادئ اسجل قيودها  والتزم بالافصاح عنها في القوائم المالية اللي بعدها من سنة واحدة فقط ..... وطبعا كالعادة كنت بشحت شرح ليها من معارفي والكتب لكن تقريبا انا غبي في الاستقبال من الناس .... عموما ومن الاخر انا كنت بحسس اصلا وانا بحسب الضريبة المؤجلة .........
بس النهاردة بقي كنت براجع شركة وحسبت الضريبة المؤجلة بطريقتين المفروض يدوا نفس النتيجة
بس الغريب انهم مدونيش نفس النتيجة والطبيعي اني فضلت وراهم لغاية م عرفت المشكلة
وفي الطريق كده لفهم المشكلة لاني نفسي فهمت الضريبة المؤجلة بشكل احسن مما قبل
فهمت الضريبة المؤجلة بطريقة اقوي تمكني من مراجعتها وشرحها مش بس حسابها
انا اتعلمت النهاردة احسب الضريبة المؤجلة باكتر من طريقة
وانت كمان لازم تتعلم انه في بدايات حاتك ابذل مجهود في انك تعرف
تتعلم ..... تقارن ... تدبر .... تحلل ..... تتقصي ..... تصبر .... تتعلم وتعرف
ولو عندك موهبة او معندكش خليك مهتم .. خليك مهتم بكرامتك وصيانتها من انك تبقي جاهل عاجز
دا الكلام بتاع الانفعال بالتنمية البشرية بعد فضل ربنا في حكمة النهاردة
لكن بما انه ممكن متكونش في مود كلام من ابو تحفيز
خد الكلام بقي من ابو 1+1=2
عشان تراجع علي نفسك او تراجع علي غيرك
اوصل للنتيجة اللي ناوي تراجعها بطريقة مختلفة
احسب العمليات بحسبة مختلفة ولو مطلعتش النتايج متطابقة
يبقي فيه طريقة غلط يا اما بتاعتك وساعتها تقومها وتبقي اتعلمت حاجه جديدة وصححت غلطتك
او الطريقة اللي بتراجع عليها وساعتها يبقي طلعت الغلط وحققت هدف المراجعة
لو لسه مفهمتش
استني درسي القادم ان شاء الله لو ربنا امد في عمري ووفقني وهداني ليه
3 طرق تشغيل لذات البيانات ونتيجة واحدة
وكون انت بقي خبرتك عن افضل طريقة
وابقي راجع بيها

PIVOT TABLE – SUMIFS - SUPRODUCT

هناك 4 تعليقات:

  1. انا ممكن اشحت من حضرتك كفيفة عمل الضريبة المؤجلة عشان انا مش فاهمها

    ردحذف
  2. السلام عليكم ورحمة الله وبركاته
    انا محتاج من حضرتك طريقة شرح الضريبة المؤجلة وفقا للمعايير والقانون بكافة حالاتها

    ردحذف

تحياتي / محمود حموده :- سيتم مراجعة هذا التعليق قبل نشره خلال الـ 24 ساعة القادمة