أنا عاوز أقول حاجه
بصفتي تاني أحسن واحد في كفر الزيات كها يوضب طبق فول وصاية ......
طبعا بعد الفنان العالمي في هذا المجال حسن ماضي صديقي ....
واحكيلكوا حاجه سريعة قبل م ادخل في الموضوع ........
علاقتي بالطبيخ زي علاقة المصريين بالسعادة ......... قصيرة وخاطفة
ومتواترة يعني مش دائمة
يعني انا مثلا احترافي في الطبخ فقط في أطباق
الفول –التونة – الشعرية او لسان العصفور – الفيشار فقط لا غير
اذكر كويس حسن صديقي لما كان مسئول اعداد طبق فول الفطار المميز
ايام لما كنا شغاليين في شرم الشيخ
شوفوا هو انا طبعا بجامل حسن لما بقول انه بيعرف يوضب فول
حسن كل اللي بيعمله انه بيلم بهارات المطبخ كله
واي حاجه في التلاجة ويحطها علي طبق الفول
وياخدله بتاع ساعة يسخن في ام الطبق ويحط عليه اختراعاته
وكل شوية ياخد بوسة منه كده
ونقعد احنا سنة مستنيين الافندي علي بال م يخلص
هو طبعا مش بيجوع عشان كل شوية ياخد لقمة يدوقها .....
حاجه كمان بتخليه يصبر علي الجوع
هو انه مهتم مهتم جدا بطفله اللي بيحبه ...... مهتم جدا بطبق الفول اللي
بيوضبة
وبالتالي مش حاسس باي مشاعر لانه
وبالتالي مش حاسس باي مشاعر لانه
الاهتمام هو مزاحمة شعور ايثاري بموضوع اهتمامك علي اي مشاعر تانية .
اقولكوا ليه طبخ الرجالة احلي 365495455 مرة من طبخ الستات
لانه الستات عاملين زي موظفين الحكومة شغل روتين
وعارف انه كده كده هيعمل كده ومفيش غير كده وهو مسئول عن كده ....
مبقاش فيه اهتمام ....
انما اتحداكي منك لها لو جبتيلي راجل بينشر غسيل
من غير م يبقي بالفانلة الداخلية ..... دي طقوس يا ماما
بلاش شاوري لي علي راجل دخل المطبخ
يوضب كوباية شاي
من غير م يكسرله كوبايتين تانيين ويوسخ 3 حلل و6 معالق ومتسالنيش ايه
العلاقة .....
بلاش وريني راجل يطبخ من غير م يغني
ويقعد يلف السكاكين والاطباق والمعالق وهو بيستخدمها
زي بتوع السوشي والبارات قال ايه محترف يعني ... ........... دا اهتمام
مكونات الطبخ واحدة للجميع
لكن فرق الطعم من طبخ حد لحد
فارق حاجات بسيطة في الخبرة بس فارق اكتر في اهتمامك بطبختك .
اثناء تحليل لمجاملة مديري في الشغل لي كان بيقول لعنصر معانا مميز جدا
برضه
يا اخي اتعلم من محمود شوفة بيعمل ايه واعمل زيه
محمود قبل م اكمل انا عاوز ايه بيدي احسن نم اللي فكرت فيه
محمود بيهتم بشغلة قوي اعمل زيه
الحمد لله لحقني بمجاملته دي من احباط حسيتة وانا بقالي فترة بخلص في شركة
فحص
بقيم نفسي وانا شغال لقيت بقالي كتير
ايه يا حودة انت بقيت غبي ولا ايه
بس لما فكرت وقيمت موقفي كويس
لا انا مهتم قوي بشغلي ايه كمية التقارير دي
واقتصاديا ليها فايدة يعني مش اضافة ضايعة ولا حاجه
واقتصاديا ليها فايدة يعني مش اضافة ضايعة ولا حاجه
الشركة كده اتخدم عليها بكمية تقارير ... جامدة جدي
وساعتها اخدت بالي اني فعلا بهتم حتي بشكل التقرير
لا وساعات فعلا بغنيلة وانا شغاله كمان
ولولا انه معايا بنات في الشغل كنت قعدتلة بالفانلة الداخلية
انادايما بقلق علي نفسي لاني بحس اني مش بعرف احب
بس انا اكتشفت احساس اهم من الحب
الاهتمام
حتي لو مش بتحب شغلك بس بتهتم بيه بمدخلاته وتشغلية ومخرجاتة
هتحبه
عشان كده شوف درسي
تعلم الطباعة في الاكسل
ومجوعة دروس تصميم التقارير
وفعلا الاهم من الطبخ الاهتمام بالطبخ
محاسب قانوني
محمود حموده
تاني احسن واحد يوضب طبق فول
حرام عليك يا استاذ \ محمود جوعتنا بسبب طبق الفول ده عايزين نشوف طعمه ايه
ردحذفاستاذ محمود انت زي العسل
ردحذفوالله دمك خفيف زي شرحك بالظبط يدخل المعدة علطول قصدي يدخل العقل علطول
شكرا لك