"إذا استطاع الشخص أن يكتب أحسن مما كتب ،أو يعظ بطريقة أفضل ،أو حتي أن يصنع مصيدة فئران أحسن من التي عند جاره .،وبعد ذلك يبني بيته في البراري النائية ، سيتوافد إليه الناس لتلقي المعرفة ." رالف والدوإميرسون ـ
ولأنني لم أذهب للبراري النائية لتلقي العلم بفضل أولئك الذين نشروه ايمانــًا منهم بفضل الله عليهم .، لذلك أقدم لكم مدونتي :- ابتغاء مرضاة ربي ثم تحية لناشري العلم .وإعتقادا مني في أن للعلم زكاة وقضائها في نشره. لذا فلا تنسونا من صلاح دعاءكم ....... محمود حموده
من
حيث عدد شركائها المقيدين لدي الهيئة العامة للرقابة المالية
ملاحظات عامة :-
1.لم
تصدر أي من البيانات التي تنشرها المدونة في شأن ترتيب المؤسسات المهنية للمحاسبة
و المراجعة من أي جهة رسمية وإنما يتم إعدادها بإجتهاد شخصي وفقا لمصادر البيانات
المتاحة وحتي تاريخة تم نشر البيانات التالية :-
1.1.ترتيب
مؤسسات المراجعة العالمية وفقا لإيرادتها في سنة 2016 وتحالفاتها في مصر .
1.2.ترتيب مكاتب
المراجعة في مصر من حيث حصتها في مراجعة الشركات المقيدة في البورصة المصرية .
1.3.ترتيب
المؤسسات المهنية في مصر من شركائها المقيدين لدي الهيئة العامة للرقابة المالية .
2.لا تشير أي من
هذه البيانات لترتيب المؤسسات المهنية العاملة في قطاع المحاسبة والمراجعة في مصر
من حيث مفهوم "جودة الأداء " مطلقا
وإنما لكل ترتيب مغزي غير ذلك يختلف وفقا لأساس الترتيب .
3.تم إعداد
البيانات وفقا للمعلومات المتاحة للمصادر المختصة والخبرة الشخصية وعلاقات معدها ،
وعليه– وحتي مع توثيقي لمصادر المعلومات ونشرها - فإنه لا يوصي مطلقا بالإعتماد عليها في الأغراض
العلمية إلا بعد مراجعة معدها في أسس الإعداد والمصادر .
من فترة كانت المقدمة ( تتر البداية ) لاي دروس في مدونتي مزيكا اغنية حمزة نمرة هنسي
احزاني .... كنت بحبها قوي ومعتبرها رسالة اخري بخلاف الرسالة العلمية في مدوناتي
بانك تنسي
احزانك وتفرح وتتعب في شغلك وتنجح.
المهم ... لقيت في يوم رسالة علي المدونة من حد اسمه (م
.ع )
لما دخلت علي بروفايله لقيته حاطط صورة علم تنظيم
القاعدة وبروفايله ما شاء الله بيتهيالي لو اتحط في ملف قدام قاضي يبقي اقل واجب
قلب نظام حكم وتحريض واعتناق افكار خارجة علي الاطار العام ومنشقة ومثيرة لامن
البلد ..... انت طبعا كده قلقت مني صح
بس انا مقلقتش .... انا استغربت .... ليه لاني انا قبل م
اشوف بروفايله كنت قريت موضوع رسالتة الراجل مكنش بينصحني دا كان بيتسائل بنيه
صافية و بيقولي :-
يا استاذ محمود هو انت بتقول انك دايما بتبدا باسم الله بس
لقيت بدايتك مزيكا .... م تبدا الاول باسم الله وبعدين حط مزيكا وبعد ارجع اشرح
انا فكرت شوية قلت اه صحيح اول حاجه بتشوفها في الفيديو بتاعي مزيكا وبعدين بسمي
الله
وقال حاجة تانية كمان مش حابب اعلنها المهم في ثواني غسل
طريقة تفكيري ومن ساعتها لغيت المقدمة بالمزيكا وبدات بمقدمة التجارة مع الله .
لا أعرف علي وجه اليقين إن
كانت ثمة علاقة بين المهارة والموهبة
يعني مثلا أنا أتصور أن المهارة موهبة مصقلة
بالخبرة والدراسة
أنا مطمئن للفكرة دي حاليا .... وربما يختلف
اعتقادي
طول م انت عايش ..... وبتفكر
وبتدبر في حياتك
بتتفتح قدام ذهنك آفاق جديدة
للمعرفة
ولو انت مهتم هتستفيد من المعرفة
دي وتصقل خبرتك
ولو انت موهوب هتفيدك جدا خبرتك
ومعرفتك وتكون عندك مهارة
بفضل الله النهاردة اتمكنت من تفسير خطأ
في مخالفة نتائج طريقتين لحساب الضريبة المؤجلة
مش هخبي عليكوا انا لسه متعلم حساب الضريبة
المؤجلة من سنتين بس ولسه بادئ اسجل قيودها
والتزم بالافصاح عنها في القوائم المالية اللي بعدها من سنة واحدة فقط
..... وطبعا كالعادة كنت بشحت شرح ليها من معارفي والكتب لكن تقريبا انا غبي في الاستقبال
من الناس .... عموما ومن الاخر انا كنت بحسس اصلا وانا بحسب الضريبة المؤجلة
.........
بس النهاردة بقي كنت براجع شركة وحسبت الضريبة
المؤجلة بطريقتين المفروض يدوا نفس النتيجة
بس الغريب انهم مدونيش نفس النتيجة والطبيعي
اني فضلت وراهم لغاية م عرفت المشكلة
وفي الطريق كده لفهم المشكلة لاني نفسي
فهمت الضريبة المؤجلة بشكل احسن مما قبل
فهمت الضريبة المؤجلة بطريقة اقوي تمكني
من مراجعتها وشرحها مش بس حسابها
انا اتعلمت النهاردة احسب الضريبة المؤجلة
باكتر من طريقة
وانت كمان لازم تتعلم انه في بدايات حاتك
ابذل مجهود في انك تعرف
الحمد
لله الذي أكمل لنا الدين وأتم علينا نعمته ورضي لنا الإسلام ديناً، أما بعد:
فإن أداء مناسك العمرة،يتم
باتباع الخطوات التالية مرتبة كما يلي:
1.
الاغتسال ووضع الطيب (يكون وضع الطيب للرجال فقط)، وارتداء ملابس الإحرام، وهي
عبارة عن إزار ورداء أبيضين نظيفين. وأما المرأة فتحرمُ في ملابسها العادية، ولا
تضع الطيب، مع مراعاة أنه يحرمُ عليها أن ترتدي النقاب والقفازين، ولكن تسدل ثوباً
على وجهها عندما يمر بها الرجال من غير محارمها.
2.
الوضوء ثم صلاة الفريضة إن كان وقت فريضة أو صلاة ركعتين سنة الوضوء.
3.
الإحرام بالعمرة قائلاً: لبيك اللهم عمرة.
فإن خاف
من عائق يمنعه من إتمام العمرة، كمرض أو ضياع ماله قال: (لبيك اللهم عمرة
،وإن حبسني حابس فمحلي حيث حبستني)، ثم يقول: (لبيك اللهم لبيك، لبيك لا شريك لك
لبيك، إن الحمدَ والنعمةَ لك والملك، لا شريك لك).
عن ذلك الإحساس وانت تستقبل خبر وفاة من تحب ......
أتحدث
عن تلك المشاعر التي أدركت فيها أنك لن تراه ثانية ....
أتألم
تمر ساعات حركة مليئة بالمهام في التغسيل وتصريح الدفن وإبلاغ الأقارب
والتخطيط لمراسم الدفن
مهام تحميك فيها رجولتك بما تفرضه عليك من تحمل
للمسئولية من السماح لتلك المشاعر المؤلمة أن تتسلل إلي قلبك وتسرع نبضاتة وتكيد
لك حتي تفقد سيطرتك علي ذاتك وتبكي وربما تجيش بالبكاء
أنا هحكي لكم قصة ..... هي
في الحقيقة تجربة شخصية ..... بالطبع لا أرتقي لتكون تجاربي الشخصية محل كتابة ونشر
. ، ولا أثق حتي في إرتقاء مهاراتي الكتابية لتكون محل قراءة . ، ولكني أثق في أن المشكلات
التي يتعرض لها أي إنسان يمكنها أن ــ ترتقي بك أو
ترتقي ــ عند تأملها للدرجة التي يجدر بنا دراستها والتدبر فيها ، وحتي
توثيقها لتمعنها في مراحل أخري من حياتنا ...... فهكذا تـُستخلص الحكمة ويكتسب الإنسان
خبرات .
اللي أولة شرط أخر حكمة
ولإني مليان بمشاعر كتير
لمشكلات كتير ...... ولأني محلتش كتير منها فالمشاعر السلبية تجاهها متأججة ومتشابكة ومتلخبطة ..... في
الحالات دي هحتاج كلام كتير يتصاغ بيه جمل قوية عشان تقدر تشيل تقل الإحساسيس
المتلخبطة جوايا دي ، ولأنك ملكش ذنب تقرا كلمات لشخص ربما يكون أقل منك في حاجات
كتير ، ومش هتستفيد من قراية خواطرة حاجه
...... فخلينا نتفق إتفاق ...... أولا :-
أنا هتكلم عن مشكلة واحدة بسيطة جدا .....
مهمة جدا عشان منقولش كلام كتير ياخد من وقتك كتير . ثانيا
:- أنا في نهاية كل فقرة هقولك حكمة في جملة مفترض اني معتقد فيها بشدة
ومفترض انها تحل مشكلة الفقرة بس للاسف في بعض الأحيان - وزي كل الناس - مش بقدر أطبقها ........
هقولهالك يمكن تعرف انت تطبقها وساعتها تبقي استفدت ..... ومن أول الفقرة دي هقولك
أول حكمة متعلمها بس كتير مش بعرف اطبقها ..... خد
بالك في التعامل مع مشكلاتك لما تكتر يا إما تحلها يا إما تفصل بين آثرها
...... يعني بالبلدي كده مينفعش تبقي
متخانق في الشغل ترجع مشحون ومش واخد بالك انه برا الشغل ملوش ذنب في مشاكل الشغل
تقوم تتخانق في البيت كمان .. ، وطبعا كلكعة المشاكل بتكبر العقدة وميكفكش خنقة
فتتخانق مع صحابك ..... وتلاقي نفسك خلقت من نفسك محفز للمشكلة وكبرتها قوي
وعقدتها وعددتها ....... وساعتها مشكلة
واحدة معرفتش تتعامل معاها وتحدد آثرها بدقة اتسرب منها أضرارا أثرت علي دواير
تانية في حياتك وخلقت ليك مشكلات جديدة .
مسرح الأحداث
هرسم معاكوا دلوقتي مسرح
الأحداث وابتديها بالشخصيات ...... والشخصيات عبارة عن ناس وما أدراك ما الناس
....... الناس يعني كل حاجه وحشة في الدنيا وبرضه كل حاجه حلوة في الدنيا
......... أقولك هحكيلك الحدث وتصرفات الناس واحكم انت بقي علي الناس ....... اللي
حصل حصل علي الفيس - قهوة البيتوتين - واللي حصل حصل في كام يوم علي صفحة فيس اسمها
AUDIT ALLSH الصفحة فكرة :- فلان الأدمن ومدعمة بقوة فيه علان التاني ....... الفكرة انه يألش والشباب من
حقه يألش .، والمراجعيين من غلبهم بيألشوا
. ، والألش
للي ميعرفهوش نوع من أنواع الهزار المستحدث .......... فكرة صفحة الفيس " أوديت ألش "
دي انها تجمع ألش المراجعين ..... كل مراجع كده سرح وهو شغال في موقف وفكر فيه وابتسم
....... لو قدر يصيغه في صورة ... في جملة
... في رسمه .... في تعليق ..... بتستني الصفحة انها يشاركها - لو يقدر- وينقل
ابتسامته للغير ..... كده أنا قطعت لكم
تذكرة بلكون درجة أولي في مسرح الحدث ، يعني انتوا كده جاهزين نتفرج ....... وقبل م تتفتح الستارة بقي ونشتغل أحداث
القصة من وجه نظر الرواي وحفاظا علي الوعد
أقولك حكمة الفقرة ...... لو مش واثق انه انت صح بنسبة 100 % في إنه رايك السلبي في حد مظبوط متقولوش رأيك فيه وخد بالك من
حاجتين :- لو كنت فظا غليظ القلب لانفضوا من حولك ، الحقيقة المطلقة هي
الله وكتبه ورسله فلا يمكنك في الحياة أن
تثق في خبرتك التي جنيتها في الحياة بنسبة 100 % أبدا من الآخر وبالبلدي متغلطش في
حد حتي لو ابن ستين حد خليك عفيف وراقي وسمح .
زي فيلم تيتانك هنحكي القصة بإسلوب الفلاش باك
إضاءة خافتة وغوص قوي في كرسيك بقي ، وانت بتشوف حوار مشهد النهاية
قبل قفل الستارة ورمي الطماطم علي الممثلين :-
-محمود :-
إنت راجل غبي . (دا اللي قدر يفهمه فلان الأدمن في الكلام اللي قاله محمود
طبعا من وجهة نظرة يعني دا اللي دخل قلبه وفهمه عقله ).
-فلان الأدمن :-
إنت اللي راجل جاحد وكسول وناكر للجميل احنا اصلا لمناك من الوول وعملناك أدمن بس
انت خاين بتتعامل مع الأعداء وأصلا انت بقيت عقيم إبداعيا . ( دا اللي قاله الأدمن
فلان برضه من وجهة نظر محمود ) .
بس يا معلم وهوبا المبدأ
العسل بتاع الصفحة اللي تعرف ديتها اقتلها ، والفريند اللي يجيلك منه الريح بلوكة
واستريح وفورا شيلت نفسي من الصفحة " أوديت ألش" وعملت بلوك للي
اتعرفت عليهم من خلالها اعتقادا مني انهم عرفوني ومعرفونيش غير عشاناها ، ومكنش
بينا غيرها يبقي لو هي راحت هم كمان هيروحوا .
احنا كده مفترض في نهاية
الحدث ....... اللي بدأ علي ما أذكر بعرض من فلانالأدمن
اني انشر في صفحة " أوديت
ألش " بشكل رسمي وأكون أدمن معاه ، واثق انه هو اللي عرض علي
العرض دا ، وكمان منكرش اني في البداية كنت بنشر اجتهاداتي بشكل شخصي علي وول
الصفحة واذكر جيدا لما طلب مني فلان الأدمن اني اكون ادمن أذكر اني قلت اني معنديش
متسع من الوقت وكان ردة غريب قوي قالي علي فكرة احنا كمان مش فاضيين علي فكرة احنا
عندنا شغلنا .... كان رد شوية عدواني ومش احتوائي
ايه اللماضة دي انا اولا مليش دعوة
بيك وراك شغل ولا فاضي دي مشكلتك ...... انت يا عم ربنا مباركلك في وقتك وطالبة في
دماغك تعمل صفحة ضحك عادي جدا ...... زي كده مشغول برضه بس طالبة في دماغي اعمل
مدونة واهتم بيها واتعب عشانها . وبدأت نشر علي الصفحة واعتقد انه: " ألشي مكنش رخيص " اقدر
أتصور كده من تقيمي لحجم التفاعل مع اجتهاداتي علي الصفحة ............. ولاني
اتعلمت حكمة من محاسب قانوني مدير لي سابق قال لي :- حاول دايما تطور اي علاقة مع اي
حد بتشتغل معاه لعلاقة اجتماعية..... عشان تبقي علاقة اقوي وتقدر تشتغل في جو حب
مش جو مشحون ، .......... وحاولت علي قدر مهاراتي الاجتماعية اللي اعترف بعدم
كفائتها إني أعمل كده ....
أحكيلك بقي عن 3 محطات في
المسرحية المحطة الأولي كانت رغبة علان التاني ( أحد شخصيات
القصة وأدمن في الصفحة ) بعد م شاف فيديوهات الشرح بتاعتي إني أعمل دورة خاصة باسم
الصفحة لتعليم الإكسل من البداية ولاني مش محترف انا هاوي وربنا موفقني في هوايتي الحمد
لله ....... فطلبت منه انه ينشر استبيان يجمع لي فيه محددات اشتغل عليها والمحصلة
من تكليفه كانت زيرو ، وبالتالي المحصلة من تكليفه لي كانت فقط فيديو واحد مكملتش
بعده .................... أنا جالي عروض
اني اشتغل دورات لمراكز متخصصة كتير بس قناعتي انه إيه اللي يخليني أبذل مجهود
بعيد عن حرفتي بدون اي دافع وإغراء مناسب ........... وأنا فعلا مش حابب احترف
كمدرب انا حابب احترف كمحاسب .......... وتقريبا المعرفة مع علان التاني
كانت مشروطة بتعاون وبالتالي لما التعاون في الحكاية دي وقف العلاقة انقطعت ومفرقش
معايا والنفوس تقريبا شالت مني ..... وبالف هنا
المحطة التانية
كانت مشاعر تحسها لما تحس انك بتجتهد ومتلاقيش اي عائد مناسب سواء كان ادبي يعني
احترام او معنوني يعني دعم ............. واحنا
اتعلمنا في مصر إننا نتعايش مع الحياة حلوة بنعيش وحشة بنعيش ............ بس
ساعات بنضعف وهنا يجي دور الصاحب او فريق العمل اللي لو فعلا يعتقد انكم جميعا بتمثلوا فريق المفروض انه يؤمن انه لو حد فيكو وقع كله
هيقع مش يقول بكل سخافة (والصفحة مش خسرانه حاجة ولا كسبانه حاجة " عائد علي
وجودي معاهم يعني " ) ...... وساعتها اضحك باستهزاء كتناثر التراب من اثر الريح علي قمة الجبل
...... وافكر ........ علي اعتبار انه
شغلي كان هوا بقي ....... شفاف مثلا يعني انا لفترة اعتقدت اني بحصل علي تفاعل عال
. واعتقادي دا ليه دلائل محسوسة الوجود .
المحطة الاخيرة
كانت فترة القحط الابداعي وأي مثقف يسمع عنها كظاهرة صحية جدا وطبيعية جدا لكل إنسان
ناجح أو فنان مبدع بتصيبة من اثر مشكلات
بسيطة يقدر يحلها بس بيضعف قدامها أحب أفكر انه بيضعف كده عشان يخلق لنفسة ضغوط
عالية ينفعل قوي فيها بالاحداث ...... ويستعد كفورة في بركان الإبداع ....... حاكم
اللي عرفتة انه علي قد قوتك علي قد ابداعك
في مواقف ضعفك ..... ومنكرش شوية كسل وعدم
مشاركة مني في حلم الارتقاء بالمجموعة
خصوصا بعد م فشلت في تواصل اجتماعي جيد مع اعضائها .............. خاصة بعد ان اكتشف نوعية الناس
اللي موظفاك لحاجه فقط ............ بتيجي
منك مصلحة فيها تبقي حبيبي وحبيبي في الحتة دي بس مش في اي مصلحة تانية معايا
..... ولو مش بتيجي يبقي انت مش مننا وانت هتوقعنا كلنا ............ وساعتها ازعل قوي علي فكر الغرب اللي لايمكن
ابدا نقدر نوصله لاننا ساعتها هنحتاج ثورة اخلاق قبل ثورة سياسية ومش هبعد خلق
فاسد وخطأ عن نفسي فهي أمارة بالسوء ............. مثلا انا غبت لفترة مش قادر
أفهم نفسي ولما حسيت اني فهمتها اكتشف
انها مليانة عيوب مشبعة بأنانية وجزع وقلق وصفات وحشة كتير بس للاسف معنديش وقت في
حياتي عشان اتفرغ لمعالجة مشكلاتي الخُلقية دي
....... انا لو وقفت لحظة في حياتي اتفرم لازم افضل اجري او بمعني اكثر وصفا
لشأني في مصر لازم أفضل الف في الساقية . لانه في دول العالم التالت انت من غير
دعم You Are Alone With out Any Backup دعمك من قدرك علي الصمود في مجالك وتميزك فيه
وطبعا إحنا بكده بنكون في مرحلة اقل كتير من التفكير في الإبداع إحنا علي أول
درجات هرم الحاجات .
لو حاسس اني كلامي ابتدي
يفقد اللباقة وحستني رخم شوية استسحمك تتحملني في مشهدي المحبب في مسرحية حياتي
لما اتكلم عن التشجيع والدعم وثنائيات ووفرق العمل ومن حقا يرتقي بخلقة وبأثرة علي
الناس لمكانة قائد فريق عمل ،،، وهنا أتكلم عن حسن
صاحبي ......... وفقا للإحصائيات مدونة محمود
حموده وقناتها علي اليوتيوب عاملة خلال سنة واحدة أكثر من 000.00 500 ( خمسمائة ألف) زيارة أثني علي
محتواها الكثيرون ودائما ما ابتسم عندما اتذكر ان أول إنسان قابلني في أول شغل في
حياتي وعلمني أشتغل إزاي علي الإكسل هو حسن
صديقي يعني كل المسافة اللي بعدتها عن
نقطة البداية دي كان منصة انطلاقي منها هو حسن
....... الجميل في حسن انه اتخلق عشان يبقي محفز للابداع ومع انه
قليل الكلام جدا ومع انه لم يقرا في حياتة
كتاب عن مهارت القيادة أو التحفيز أو الإبداع إلا إني فاكر حادثة مهمة جدا في
حياتنا أول لما جت لي فكرة انشاء مدونة علي بلوجر قلتله ايه رايك اكلم زميلنا الباشمهندس س انت عارف انه حاسبات ومعلومات وليه
في البرمجة قالي جمله لسه فاكرها قوي وبنيت علي قوة اثرها علي وتاثيرها في قرارات
بمواجه تحديات كتيرة في حياتي ..... حسن
قالي يا بني دي فكرتك وانت لما بتقرا وبتجتهد بتعمل شغل احسن من اي حد تاني وانا
ارهنك انك لو قريت في الموضوع دا هتعمل شغل احسن من الباشمهندس
س صاحبنا .......... ومع اني مش عارف هو كان بيشتغلني وبيحمسني وخلاص
ولا هو كان شايف اني فعلا كفء . ، بس قوتة وهو بيراهن علي وعلي قدرتي علي النجاح منحتني قوة وعزيمة علي دخول التحدي .....
وصممت المدونة بنفسي وحققت نجاح جديد لنفسي ....
وتخيلوا الاقوي من ثقتي في نفسي ( القوية جدا علي فكرة ) ثقتي في قدرة حسن
علي دعمي ...... أنا ساعات بشك في قوتي لكن مش بشك في دعم صديقي حسن لي الدائع دعم علي مستويين دعم تشجيع علي
النجاح ودعم ضد الفشل والإحباط
.............. وقد ايه جميل انك تراهن علي حد بيتطلب الامر ثقة ورقي اخلاق
فعلا حسن هو حافز تصميم مدونة محمود حموده ......
وهنا معني مهم جدا فهمته واتعلمته ...... :- حافظ قوي علي
اشخاص الدعم في حياتك لانك بيهم هتنجح وعلي اسوء الظروف مش هتقع ..... واحرص جدا
انك تبعد عن حياتك عناصر الإحباط مهما نجحت معاهم
لانهم مش بيضيفوا ليك بالعكس دول بياخدوا منك .
وكذلك هي الحياة ..........
الشجرة لما بتكبر بيكبر قوي جزعها وبتبقي مفيدة علي أصعدة عدة لكن ممكن يكون كل
ورقها وقع ....... وأنا وقع من شجرتي ورقة AUDITALLSH بس مبسوط بكده كونها أصلا كانت حلم محلمتوش
بنجاح محستوش ومكنش ملكي وفشل كان بيترمي علي عاتقي .
وبدايتي دايما باسم الله
ونهايتي اللهم اجعلها دوما يارب بسلام
الله ورحمته وبركاته
عندما يصبح جري 150 متر
أصعب من اختراق ضاحية 15 كيلو متر
سرعة الإنسان المقدرة تبلغ 30 كيلو متر في
الساعة . ولا أعلم كيف حسب العلماء هذه الحسبة ، ولكني سعيد بفضل الله في إتمامنا لمسافة 15
كيلو بدون توقف خلال 90 دقيقة بمتوسط 6
دقائق لكل كيلو بتشكيلات جري متعددة :-
خلفي ... جانبي شمال ويمين ، مع رفع أثقال
من البيئة كالأحجار والكاوتش ، وتخطي بالقفر حواجز طبيعية كحواجز الحارات في
الطريق .
في مسابقات جري السرعة يعتبراستغراق 10 ثواني إلي 12 ثانية في قطع مسافة 100 متر
سبرنت أداء متميز لغير المحترفين ، ولكن في جري الصمود وبترجمة معدلات أداؤنا نجد أن مسافة الـ 100 متر
استغرقت زمن 36 ثانية بتأخير يفوق 26 ثانية لكل 100 متر .ولكنها لا تحسب علي هذا
النحو فلا يخفي علي أحد أن أدائك العضلي ينخفض مع مرور الوقت فالإنسان إنسان وليس
ماكينة .
