الأحكام الفقهية وفتاوي الصيد

بسم الله الرحمن الرحيم

بسم الله الحكم العدل

من فترة كانت المقدمة ( تتر البداية )  لاي دروس في مدونتي مزيكا اغنية حمزة نمرة هنسي احزاني .... كنت بحبها قوي ومعتبرها رسالة اخري بخلاف الرسالة العلمية في مدوناتي

بانك تنسي احزانك وتفرح وتتعب في شغلك وتنجح.

المهم ... لقيت في يوم رسالة علي المدونة من حد اسمه (م .ع )

لما دخلت علي بروفايله لقيته حاطط صورة علم تنظيم القاعدة وبروفايله ما شاء الله بيتهيالي لو اتحط في ملف قدام قاضي يبقي اقل واجب قلب نظام حكم وتحريض واعتناق افكار خارجة علي الاطار العام ومنشقة ومثيرة لامن البلد ..... انت طبعا كده قلقت مني صح

بس انا مقلقتش .... انا استغربت .... ليه لاني انا قبل م اشوف بروفايله كنت قريت موضوع رسالتة الراجل مكنش بينصحني دا كان بيتسائل بنيه صافية و بيقولي :-

يا استاذ محمود هو انت بتقول انك دايما بتبدا باسم الله بس لقيت بدايتك مزيكا .... م تبدا الاول باسم الله وبعدين حط مزيكا وبعد ارجع اشرح انا فكرت شوية قلت اه صحيح اول حاجه بتشوفها في الفيديو بتاعي مزيكا وبعدين بسمي الله

وقال حاجة تانية كمان مش حابب اعلنها المهم في ثواني غسل طريقة تفكيري ومن ساعتها لغيت المقدمة بالمزيكا وبدات بمقدمة التجارة مع الله .

بالبساطة دي التغير طالما بالسماحة دي النصيحة

وبالقوة دي التأثير طالما بالوعي دا النقد

واستغرابي انه حد في قدر علمه الفقهي ينصحني بالطريقة الذكية قوي دي .....  دا اللي بان من رسالته انه انا اللي اشغل مخي واقوله ايه الصح وايه الغلط ...... مع انه ما شاء الله ثقافة دينيه عالية قوي ومهندس في مكان مهم .

انا كنت غافل ---- الفن جميل بس الاخلاص لله اجمل

وانا مليش ذنب اخد من ذنوبكوا .... والمدونة خالصة لوجه الله يبقي نخلصها بقي

ÍËΠ      ÍËΠ       ËÍË       ÍËÎ

بحكي القصة دي تمهيدا للتالي

انا نشرت صور لي وانا بصطاد ورد علي زملاء افاضل انه دا حرام وربنا هيحاسبني

شكرا لكم  للتذكرة

انتوا كده نبهتوني لشئ لم اكن بغافل عنه

ودعوني انقل لكم ما تعلمته

في بداية هوايتي للصيد قتلت هدهد ولقيت حد شايف الصورة قالي حرام عليكي يا محمود وسكت انا مفهمتش حرام عليه ....  ليه الصيد مش حرام

بحثت عن احكام الصيد واكتشتفت انه الرسول عليه الصلاة والسلام نهي عن اصطياد الهدهد وبالفعل تعلمت ذلك

وبحثت اكتر ووجدت ان الرسول عليه الصلاة والسلام حبب في صيد الغربان وبحثت اكتر واكتر وتعلمت انه يجب ان نحسن الذبح

وساعات مكنتش بلحق ادبح الطير بينزل ميت من قوة الطلقة واصابتها لمنطقة قاتله بس ،،، بس اتعلمت من شيخ انه لو وانا بضرب بالبندقية تلوت قول الله عز وجل وما رميت اذ رميت ولكن الله رمي وسميت يبقي لو الطير نزل ميت كاني دبحتي ( فتوي )

انا عندي قواعد في عملية الصيد وثقتها فقهيا بالشكل اللي يريح ضميري وانا بستمتع بهوايتي

-         عدم صيد ما نهي عن اصطياده

-         محاولة صيد ما حبب قتله

-         اذا قتلتم فاحسنوا القتلة واذا ذبحتم فاحسنوا الذبحة

-         وما رميت اذ رميت ولكن الله رمي

-         الصيد بنية الذبح للاكل للطيور المحللة

-         الصيد بنية اتباع السنة ودفع الأذي  للطيور الضارة

(مثلا الحمام في المناطق النائية اللي هرب من اهلة وبياكل محاصيل الحبوب من الفلاحين وبيضروا يعملوا خيال مقاتة عشانه – الغراب اسمع من الفلاحين انه مؤذي جدا وبيكرهوا – الحداية مش محتاجة تعرف – ابو قردان لا لانه الفلاحين بتحبة قوي ............... )

وعشان معلوماتكم متكنش مني وعشان مرجعيتك تبقي قوية

ارجو الاطلاع علي هذه الروابط لتوثيق الحكم الفقهي لعمليات الصيد

http://fatwa.islamweb.net/fatwa/index.php?page=showfatwa&Option=FatwaId&Id=171115

http://fatwa.islamweb.net/fatwa/index.php?page=showfatwa&Option=FatwaId&Id=144525

http://islamqa.info/ar/121239

http://www.al-qbabnh.com/vb/showthread.php?t=2372

http://www.m-islam.com/articles.php?action=show&id=288

http://ar.islamway.net/fatwa/10150/%D9%85%D8%A7-%D8%AD%D9%83%D9%85-%D8%B5%D9%8A%D8%AF-%D8%A7%D9%84%D8%B7%D9%8A%D9%88%D8%B1-%D9%81%D9%8A-%D8%A3%D9%88%D9%83%D8%A7%D8%B1%D9%87%D8%A7-%D9%84%D9%8A%D9%84%D8%A7

http://dorar.net/tafseer

http://www.altafsir.com/Tafasir.asp?tMadhNo=1&tTafsirNo=1&tSoraNo=5&tAyahNo=3&tDisplay=yes&UserProfile=0&LanguageId=1